Google maps

HELBURU HEZITZAILEA
Pasabanen jolasean aritu diren mendiak non kokatzen diren ikustea.

LANDUTAKO GAITASUNAK ETA ZERGATIA

a) Zientzia-, teknologia- eta osasun-kulturarako gaitasuna.

Ordenagailuen bidez aurrera eramaten da.

b) Ikasten ikasteko gaitasuna

Beraiek bakarrik, irakasleark egiten duenari jarraituz, aurkitu beharko dute himalaya eta karakorum-eko mendikateak.

e) Informazioa tratatzeko eta teknologia digitala erabiltzeko

gaitasuna

Mapetan ibili behar dira bilatzen duguna aurkitu arte.

NORI ZUZENDUA
3. zikloa.

DAKARREN ABANTAILAK
Bere eguneroko bizitzan erabili dezaketela.

ERABILI BEHARREKO ERREKURTSOAK
Ordenagailua eta internet.

sekuentzia didaktikoa - Spicynodes

HELBURU HEZITZAILEA
Zatikiak zer diren, bere ezaugarriak eta eragiketak azaltzea.

LANDUTAKO GAITASUNAK ETA ZERGATIA

a) Zientzia-, teknologia- eta osasun-kulturarako gaitasuna.

Ordenagailuen bidez aurrera eramaten da.

c) Matematika gaitasuna

Zatikiak lantzen direlako.

d) Hizkuntza-komunikaziorako gaitasuna

Eskemak egiteko modu berri bat delako.

e) Informazioa tratatzeko eta teknologia digitala erabiltzeko

gaitasuna

Teknologia digitalen bidez aurkezten delako.

NORI ZUZENDUA
Irakasle eta gurasoentzat.

DAKARREN ABANTAILAK
Erabiltzeko erraza eta denontzat eskuragarria. ( Ez eskuz idatzitako eskemak bezala)

ERABILI BEHARREKO ERREKURTSOAK
Ordenagailua eta internet.

Mapa kontzeptuala ikusteko klik hemen

Euskara sareetan

Euskeraren egoera kezkatzen gaituelako, aukeratu dugu azken sarrera hau interneten euskararen egoerari buruzkoa egitea.

Guztiok dakigu zein den gaur egungo euskararen egoera, sareen munduan ez da desberdina. Zaila egiten da batzuetan interneten euskaratuta dauden baliabideak aurkitzea nahiz eta, esan behar dugun, bost urteetik hona egoera asko hobetu dela.

Irakasleak izango garen einean, gure ikasleekin klasean baliabide hauek erabili nahi baldin baditugu, laguntza handikoa izango litzateke hauek euskaraz aurkitzea. Baina hau ez dugu beste batzuen eskuetan utzi behar, modu batean edo bestean, guztion esku dago interneten aurkitzen duguna euskaratuta egotea edo askoz hobeto, euskaraz ekoiztua izatea.

Gorka Palaziosek esaten duen moduan, oraindik ere egiteko asko dago eta horretarako erakundeak, publikoak zein pribatuak, inplikazio handiagoa izan beharko lukete. Teknologia berriak jendartean egun puri purian dagoen gaia da eta horregatik garrantzitsua da esparru honetan euskara merezi duen presentzia edukitzea, ez dela gutxi.

Erakundeak konbentzitzen ditugun bitartean, gu geuk gara euskeraren presentzia bermnatu behar dugunok. Animo eta ekiozu!

INFORMAZIOA ITURRIA:
- Gorka Palazios- en elkarrizketa (youtube)

Pixton tutoriala

Nola grabatzen ditugu tutorialak?

Mindomo tutoriala

Oiongo ikastolako 6.mailako bloga

Hemen ikus dezakegu Oion herriko San Bizente Ikastolako 6.mailako irakasle eta ikasleen blog-a. Hau aukeratzearen zergaitia, ezaguna dugula eta gela bateko blog baten adibide ezin hobea delako izan da.

Blog honetan ikasleek egiten dituzten jarduerak, bai gelan bai gelatik kanpo, ikasleek egindako lanak, urtebetetzeak, azterketen datak, klasean emandako gaiarekin lotuta dauden berriak, argazkiak, bideoak... agertzen dira. Honetaz gain, ikasleek sarrera ezberdinetan komentarioak uzteko aukera dute. Hau batzuetan erabiltzen dute klasean ikusitako gaiari buruzko hausnarketak egiteko.Hau guztia nahaste-borraste bat ez izateko irakaslearen gidaritzapean egon behar da beti. Ikasleek eskegi nahi dituzten ekarpenak, berriak edo bideoak gehinetan irakasleak bidalitako jarduera baten barruan izaten dira eta egiten diren komentarioei ere irakasleak aurrebegirada bat botatzen die. Nahiz eta denbora guztian irakaslearen gidaritzapean egon, ikasleen sormena, irudimena eta autonomia landu daiteke.

Oso erabilgarria ikusten dugu baliabide hau klasean erabiltzea, batez ere ikasleengan sortzen duen motibazioagatik. Honekin ikasleek gaian inplikatuagoak egotea lor dezakegu, berauek irakas- ikas prozesuan parte hartzen.

INFORMAZIO ITURRIA:
- San Bizente ikastolako 6.mailako bloga.

Voki tutoriala

Pixton

HELBURU HEZITZAILEA
Teknologia berrien bitartez, idei bat irudikatzea, txisteak kontatzeko beste era bat ezagutzea eta irudimena lantzea.

LANDUTAKO GAITASUNAK ETA HORREN ZERGATIA

a) Zientzia-, teknologia- eta osasun-kulturarako gaitasuna.

Ordenagailuak erabiltzen dituzte, internet eskaintzen digun baliabide bat erabiltzen.

b) Ikasten ikasteko gaitasuna

Komikia egiteko, pixton nola erabiltzen den ikasi beharko dute.

d) Hizkuntza- komunikazio gaitasuna

Komikiaren bidez beraiek asmatutako istorio bat gainontzeko klasekideei aurkezten diete.

e) Informazioa tratatzeko eta teknologia digitala erabiltzeko

gaitasuna

Ariketa hau aurrera eraman egin ahal izateko, teknologia berrien beharra dute.

g) Giza eta arte-kulturarako gaitasuna

Nahiz eta ikasleek eskuz ez marraztu, pertsonaiak, hondoak, objektuak... aukeratu eta eraldatzen dituzte.

NORI ZUZENDUA
3. ziklorako.

DAKARREN ABANTAILAK
Beraiek asmatutako istorioari irteera erraz bat ematea. Ez dituzte trebetasun berezirik behar komiki bat sortzeko.

ERABILI BEHARREKO ERREKURTSOAK
Ordenagailua eta internet.

Komikia ikusteko klikatu hemen!

VOKI

Voki baliabide interesgarri bat izan daiteke klasean erabiltzeko. Dohako widget bat da eta pertsonai edo avatar bat sortzean datza. Mugimendua dauka eta sartzen diogun testua irakurtzeko gai da. Pertsonai hau, web batean, blogetan edo wikietan txertatu dezakegu edo korreo elektroniko edo mugikorraren bidez bidali. “Text to speech” teknologia erabiltzen duenez oso erabilgarria izan daiteke ahoskera era ludiko batean lantzeko edo ikasleek beraien testuen hausnarketak egiteko.

Bitarteko hau guretzako interesgarria izatearen arrazoietako bat, euskaraz ere badagoela da. Nahiz eta interneten euskaraz baliabide asko ez egon, geroz eta gehiago dira gure hizkuntzan daudenak. Itzultzea guztion lana izan beharko zen.

Baliabide hau, erabilera anitz ditu klasean:

- Zoriontzeko mezuak sortzeko: Gabonetan, urtebetetzetan… bidaltzeko dagoen aukera aprobetxatuz.

- Aurkezpen pertsonal bat sortzeko: Asko kostatzen zaigun lan hau errazteko.

- Vokik ere badu, avatarraren beheko aldean erantzuteko aukera eta beste voki bat sortzeko aukera. Baliabide honek aukera ezberdin asko ematen ditut ariketak egiteko.


- Testuen eraikuntzak lantzeko. Ikasleek idazten dutena birpasatzeko modu bat da. Baliabide honen bitartez, beraiek idatzitako testuan geldiuneak (puntuak, komak…) falta badira konturatuko dira eta berauek testua zuzendu dezakete.

- Debate bat sortzeko. Voki bat beste Voki baten aurrean jarri, bakoitzak gaiari buruzko iritzi ezberdinak defendatzen.


- Elkarrizketa edo datu bilketa bat sortzeko. Vokia galderak botatzea pertsona ezberdinak erantzun dezaten.

- Istorio bat eraikitzeko. Istorioekin aukera asko daude. Hemen horietariko bat komentatuko dugu. Voki ezberdinak, istorioaren pertsonai ezberdinak izango balira bezala, bakoitza istorioa bere ikuspuntutik kontatzen du eta ikasleek istorioa berreraiki behar dute. Istorioa asmatuta edo jada asmatuta dagoen bat izan daiteke.


- Klasen emandako gaiaren laburpen bat sortzeko. Klaseko guztien artean gairen laburpen bat egiten dugu, Vokian testua txertatu eta klaseko blogean eskegitzen badugu denon eskura egon daiteke laburpen hori.


Gure ustez, Vokia oso herramienta erabilgarria izan daiteke. Beldurra kendu behar diogu balibide berri hauek erabiltzeari. Ondo pasatzen ere ikasi dezakegu!

Hemen daukazue, guk sortutako Vokia. Robot-emakume bat da eta Arantxa du izena.

HELBURU HEZITZAILEA
Era labur batean informazioa jasotzea, informazioa ematen duen igorlea beste bat denez, arreta mantentzea errazago izatea.

LANDUTAKO GAITASUNAK
a) Zientzia-, teknologia- eta osasun-kulturarako gaitasuna
Ordenagailua erabiltzen trebatzen dira. Grabazioak egiten ikasten dute.

d) Hizkuntza-komunikaziorako gaitasuna
Aurreko testuan aipatu bezala, Vokiren bitartez, hizkuntz eta komunikaziorako gaitasuna lantzeko jarduera anitz daude.

e) Informazioa tratatzeko eta teknologia digitala erabiltzeko gaitasuna
Gauzak adierazteko modu berri bat erabiltzen dutelako.

h) Norberaren autonomiarako eta ekimenerako gaitasuna
Bakarkako lana izango da eta bukaeran voki bana izan behar dute ikasleek.

NORI ZUZENDUA
Lehen Hezkuntzako edozein mailatan.

DAKARREN ABANTAILAK
Igorlea desberdina denez (ez da irakaslea), arreta deitzea eta mantentzea errazagoa da.

ERABILI BEHARREKO ERREKURTSOAK
Ordenagailua eta internet.


Get a Voki now!

Scratch-Edurne Pasaban

Edurne Pasabanen jolasara jolastu nahi baduzu klikatu hemen!!

HELBURU HEZITZAILEA
Interneten aurkitu ditzazkegun bilatzaileak erabiltzen ikastea.

LANDUTAKO GAITASUNAK

a) Zientzia-, teknologia- eta osasun-kulturarako gaitasuna.

Ordenagailuak eta internet erabiltzen dute.

e) Informazioa tratatzeko eta teknologia digitala erabiltzeko

gaitasuna

Bilatzaileak erabiltzen ikasten dute.

f ) Gizarterako eta herritartasunerako gaitasuna

Euskaldun baten lorpenak ezagutzen dituzte.

h) Norberaren autonomiarako eta ekimenerako gaitasuna

Bakarka egingo dute lan bukaerara heldu arte.


NORI ZUZENDUA
3.zikloa.

DAKARREN ABANTAILAK
Jolasaren bidez ikasten dute.

ERABILI BEHARREKO ERREKURTSOAK
Ordenagailua eta internet (bilatzaileak).

Eskola Porrota

Daukagun hezkuntza sistema ez da batere eraginkorra. Horrela demostratzen du urtez urte teleberri eta egunkarietan eskeintzen dizkiguten datuak. Datu horitan ikusi dezakegu baita ere urteak pasa ahala ezerrez hobetzen dugula emaitzetan. Hala ere daukagun gobernuak ez du ezer egiten hori aldatzeko. Aldatu bai, hezkuntza sistema ugari izan ditugu azken 15 urteetan (LOGSE,LOCE,LOE…) baina oso alde txikiak daude beraien artean, handiak direla demostratzen saiatzen diren arren. Behar dugun aldaketa oso handia da, erradikala agian pertsona askoren usterako, bainan 360 graduko bira egin behar dugu, Finlandia bezalako hezkuntzetan oinarrituz hezkuntza sistema berri bat osatuz. Finlandiako gobernuaren eskusartzea izugarrizkoa da, eta horrela ikusi dezakegu, hezkuntza arloan inbertitzen duen diruarekin; Finlandian hezkuntza inguruko gauza guztiak dohainik dira, bai eskola materiala, bai klaseak (unibertsitatea baita ere), eskolarainoko desplazamendua, eskolako janaria…Hemen berriz, laguntzak badira bai, bainan oso baxuak eta txikiak, eta honekin estatuak demostratzen du hezkuntzaren inguruan duen interesa. Hemen, askoz ere inportanteagoa da errepide onak izatea, gure seme-alabak hezkuntza maila ona izatea baino. Edo horrela demostratu egin digute orain arte.
Hurrengo kontzeptu mapan, eskola porrotari buruzko datu interesgarri batzuk eskeintzen ditugu, gaia jendeari hurbitzeko eta jakinarazteko asmoz.


HELBURU HEZITZAILEA
Eskola porrota zer den eta zergatik ematen den ulertzea.

LANDUTAKO GAITASUNAK ETA ZERGATIA

a) Zientzia-, teknologia- eta osasun-kulturarako gaitasuna.

Ordenagailuen bidez aurrera eramaten da.

d) Hizkuntza-komunikaziorako gaitasuna

Eskemak egiteko modu berri bat ikasten dute.

e) Informazioa tratatzeko eta teknologia digitala erabiltzeko

gaitasuna

Teknologia digitalen bidez aurkezten delako.

NORI ZUZENDUA
Irakasle eta gurasoentzat.

DAKARREN ABANTAILAK
Erabiltzeko erraza eta denontzat eskuragarria. ( Ez eskuz idatzitako eskemak bezala)

ERABILI BEHARREKO ERREKURTSOAK
Ordenagailua eta internet.
Kontzeptu mapa

WEB 2.0

Gure blogaren hurrengo sarrera honetan web 2.0 eta honek hezkuntzan izan ditzazkeen erabilpenei buruz hitz egingo dizuegu. Interesgarria irudi zaigu web 2.0-ri buruz hitz egitea sarearen etorkizuna delako uste duguluako.

Web 2.0 terminoa, internetaren bigarren generazioa dela esan nahi du, erabiltzaileen partehartzean eta informazio trukaketan oinarritzen diren interneteko web-zerbitzua. Honetan erabiltzailea da protaginista, web estatiko batetik web dinamikoa batera aldatzearen pausoa da. Erabiltzailea, edukiak sortu, konpartitu eta parte hartzen erlazionatzen da. Edonork publika dezake zerbait esfortzu handirik gabe. Web 2.0 kontzeptua ere, webaren erabilpena gizarte sareak eta elkarrenganako kolaboraziora zuzendua dagoela esan nahi, halaber, gizarte sareak sortutako edukien etekin edo informazioak aprobetxatu ditzazketelarik web gune interaktibo eta bisualki erakargarriak sortzeko. Alegia, web gune tradizionalekin alderatuz, Web 2.0 orrietan erabiltzaileen bilgune funtzioa nabarmenagoa da. Web hauek daukaten ezaugarri garrantzituenetako bat folksonomiak edo etiketatzeak dira. Baliabide honekin errazten dira beste pertsonen bilaketak. Pertsona bakoitza sarean igotakoaria definitzen duten hitzak jartzen dizkio, gero hitz horiek bilatzaile batean sartzearakoan igotakoa agertzeko. Web 2.0 honetan erremintak erabilienak eta ezagunenak, foroak, blogak, wikiak, mashups... dira.

Hezkuntzari dagokionez, 2.0 weba oso erabilgarria izan daiteke. Gaur egungo ikasleekin ibili behar garenean bi gauza garrantzitsu hartu behar ditugu kontutan. Lehenengo da, gaurko ikasleak ingleses esaten den moduan "digital natives" dira, hau da, txikitatik teknologia digitalak erabili dituztela. Eta bigarrena da, irakasleak ez garela informazioaren jabe bakarrak eta informazioa ez dagoela bakarrik eskoletan, orain, informazioa guztien esku dago. Horregatik irakasleen lana aldatzen doa edo aldatu beharko da. Irakasleok ikasleak lagundu behar ditugu euren ezagumenduak bilatzen. Metologian aldaketa sakon bat eman behar da, honek ekartzen duen lan guztiarekin. Landu behar diren konpetentziak eta ezagupenak aldatu beharko dira, orain, bilatzen, biltzen eta prozesatzen jakin behar dute berain eskutan dagoen informazioa guztia. Horretarako web 2.0 baliabide ezin hobea bihurtu daiteke. Foro, blog eta wikien bidez, informazioa bilatzen, sortzen eta konpartitzen ikasten da. Lan kooperatiboa, gogoetak, kreatibitaea, respontsabilitatea, irakurzaletasuna... bultzatzeko baliagarriak izan daitezke. Honetaz aparte, baliabide hauekin, irakaskuntza ikaslea du erreferente moduan, beraien interesen arabera ikasiko dutelako, autonomoak eta beraien irakaskuntzaren jabeak bihurtzen. Beti ere irakaslearen gidaritzarekin.

Web 2.0-ren esanahia eta erabilgarritasuna hobetu uler dezazuen bi bideo hauek eskegi ditugu. Zoritxarrez ez dugu euskaraz aurkitzeko modurik izan. Espero dugu web 2.0-ri buruz gogeta txiki hau interesgarria iruditu izana eta praktikara eramateko gogoekin gelditzea.

INFORMAZIO ITURRIA:
- www.youtube.com
- www. wikipedia.org

i-rakaskuntza (e-learning)

Gaur egun ikasle asko daude ikasketak etxetik kanpo burutu nahi dituztenak, beren hirietan ikasketa horiek egiteko aukera ez dutelako. Hala ere, batzuk, baliabide falta direla medio, ezin dituzte ikasketa horiek burutu.
Bestetik, ikasle asko dira ere, egunero klase guztietara joan ezin direnak lana, distantzia edo bestelakoak direla.
Guzti hau dela eta, hemendik proposatu nahi duguna eta teknologi berriak eskeintzen diguten aukerekin batera, etxetikan ikasketak burutzeko posibilitatea da. Eta hau nola lortu daiteke?? Aurrekoan esandako guztia, i-rakaskuntza(e-learning)-en bidez lortu daiteke. Hurrengo lerroetan zehar, kontzeptu berri honi buruz hitz egingo dugu:
I-rakaskuntza (internet bidezko ikasketa) Internetek ematen dituen aukerak hezkuntzan aprobetxatzearen ekintza bezala defini daiteke. Beste hitz batzuetan, ordutegi eta kokapen geografikoaren menpe ez dagoen ikasketa prozesu bat da i-rakaskuntza.
Unibertsitateetan, ikasleek klasez kanpoko praktikak edo egin beharrak egiteko aukera ematen du. Klasean emandakoa indartzeko laborategi birtualak ere egin daitezke. Azken muturreraino eramaten badugu, ikasketa prozesu guztia ere internet bidez egin daiteke, hori da hain zuzen ere UOC-ek(Universitat Oberta de Catalunya) egiten duena adibidez.
Ez dira asko, baina jadanik i-rakaskuntza era egokian kudeatzeko tresnak badaude eta hauek ezagutzeko eta erabiltzeko lan pixka bat egin behar den arren ondoren dena erraz egiten da. Esan daiteke, beraz, internet erabiltzeko jakintza minimoak dituen pertsona orok duela plataforma hauek erabiltzeko gaitasuna, azalpen batzuk emanda.Plataforma hauetako ezagunenak hauek izan daitezke:
-Moodle (http://www.moodle.org)
-Caroline (http://www.claroline.net)
-Dokeos (http://www.dokeos.com)
-A Tutor (https://segue.middlebury.edu)
Plataforma guzti hauek orokorrean komunak diren ezaugarri batzuk dituzte, i-rakaskuntza prozesua jarraitu eta aurrera ateratzeko, beti ere segimendu bat eginda. Komunak izan daitezkeen ezaugarriak hauek izan daitezke:

-Foroak
-Ikasle, irakasle eta tutoreak kudeatzeko sistema
-Edukiak txertatzeko era erraza
-Ikastaroak sortzeko kudeaketa sistema
-Kanpoko paketeak sartzeko aukerak
-Beste hainbat tresna: wikiak, txat gelak, ekimenen egutegia etab.



Oraindik ere oso leku gutxitan bultzatzen eta babesten den sistema hau, badira Katalunia bezalako herriak zeinek internetetik ikasketak egiteko aukera eskeintzen duten. Hurrengo bideoan ikusi dezakegu orain esandakoa.


Bukatzeko, eta hausnarketa bezala esango dugu eta blog guztian zehar azpimarratuko dugun bezala, berritzaileak izan behar garela. Teknologi berriak eskeintzen diguten aukerak ezagututa, ezin diogu errealitateari bizkarra eman eta aukera horiek ez aprobetxatu. Aukera horiek daukaguna hobetzeko balio dute baina egia da ere isntituzioen babesik gabe oso zaila dela horrelako proiektu berriak aurrera eramantea, beraz guztien arteko ekintza izan behar da hau lehen esan bezala, oraindik ere daukaguna hobetu daitekeelako. Guztiok atera dezakegu i-rakaskutzatik etekina.

INFORMAZIOA ITURRIA:
- http://www.learningreview.com/
- http://teketen.com/

Teknologi berriak hezkuntzan

Gure lehendabiziko ekarpena, teknologi berriak hezkuntzan dituzten eraginen eta ondorioen inguruko hausnarketa bat izango da. Blog honetan, ongi etorrian aipatu dugun bezala, teknologi berriak eta hezkuntza mundua elkartzen duten gaietaz hitz egingo dugu, beraz egokia iruditu zaigu ekarpen hau lehendabizikoa izatea era global batez hurrengo ekarpenak ere barruan sartuko dituelako, hau da, hurrengo ekarpenak zehatzagoak izango dira gaiak tratatzerako orduan eta hau berriz teknologia berriak eta hezkuntzaren inguruko hausnarketa globala izango da.

Gizartean aldaketak ematen diren bezala, eskolan ere hauek gertatzen dira. Edo horrela izan beharko litzateke behintzat. Askotan, aldaketa hitza eta beldurra hitza elkarrekin doazte. Ezezagunari beldurra izateko jarrera daukagu normalean. Ezezagun horrek, segurtasun falta ematen digu eta horregatik nahiago dugu askotan gauden bezala gelditzea gauza berriak egiten saiatu ordez. Baina hau ez da horrela izan behar. Gure ustez, jarrera hau adoptatzea, errealitateari sorbalda ematea da. Gaur egun, hezkuntzan, baliabideen eta materialeen aldetik aukera berri asko ditugu klaseetan erabili eta beraiekin lan egiteko. Aukera berri horien artean, komunikazioaren eta informazioaren tekonologiak daude, IKT-aren izena hartzen dutenak (TIC gazteleraz) .Teknologi berri hauek tresna ezberdinen multzoak dira, informazioaren tratamendurako eta irispiderako bideratutak daudenak. Tresna hauen adibideen artean, arbela digitala, blog-ak, web-ak etb. daude.
Baliabide berri hauek hezkuntza kalitatea asko hobetu dezakete, batez ere eskaintzen dituzten aukera ezberdinengatik eta bestetik haurrengan sortzen duten motibazioarengatik. Urtero Pisa informeari erreparatzen badiogu ikusiko dugu hezkuntza mailan oso aurrerapen eskasak ematen direla eta bestaldetik eskola porrota finko mantentzen dela datu horien artean. Argi dago aldaketak eman behar direla eskola porrota bezalako gaitza ekiditzeko. Gure ustez aldaketa horien artean, teknologi berrien erabilera hezkuntza munduan dago. Oraindikan ondo ezagutzen ez dugun mundua daukagu honako hau, horregatik aldez aurretik ondo informatu behar gara, erabilpena ezagutzeko, tresna ezberdinak zein diren jakiteko, abantailak eta desabantailak ezagutzeko...
Hurrengo artikuluan (gazteleraz dagoena) IKT-ren inguruko azalpen zabala eta argia eskeintzen digute, IKT-ren ezaugarriak zein diren nabarmenduz, noiz hasi ziren hezkuntzan sartzen, onurak eta desabantailak seinalatuz... IKT

Bestaldetik, eta ekarpen honekin bukatuz, bideo motz bat eskeiniko dizuegu. Bideo honetan bultzatzen den idei nagusia, geletan teknologi berrien bidez edozein informaziora ailegatzeko posibilitatea daukagula da eta honen ondorioz honek suposatzen duen abantaila.

INFORMAZIOA ITURRIA: